Monday, February 24, 2014

Хоол боловсруулах тогтолцооны үйл ажиллагаа алдагдахад хүргэх 5 гол шалтгаан

Өнөө цагт бараг л хүн бүр хоол боловсруулах тогтолцооны асуудалтай болсон байна. Тэгвэл үүнд хүргэж буй шалтгаануудыг бичлээ. 

Гэдэсний нянгийн тэнцвэр алдагдах
Хоолыг зөв боловсруулж чадахгүй байгаагийн нэг гол шалтгаан нь гэдэсний нянгийн тэнцвэрт бус байдал юм. Нийт гэдэсний нянгийн 85% нь сайн буюу ашигтай нян, 15% нь муу буюу эмгэг төрүүлэгч нян байвал үйл ажиллагаа хэвийн явагдана. Ийм тэнцвэрт байдалд байснаас ашигтай нян нь зарим төрлийн цардуул, эслэг, чихрийг задлах, шимэгдүүлэх гэх мэт үүргээ гүйцэтгэх чадвартай болно. Харамсалтай нь антибиотикийн хэрэглээ, элсэн чихэр, архи, хорт бодисууд, хэт цэвэршүүлж, боловсруулсан хүнсний бүтээгдэхүүнүүдийн хэрэглээ ихэссэнээс энэ тэнцвэр алдагддаг.

Тэнцвэрт байдлыг сэргээж, бий болгохын тулд нянгийн эсрэг үйлчилгээтэй хүнсний бүтээгдэхүүнүүд болох сонгино, сармис, орегано зэрэг ургамлуудыг хэрэглэж, пробиотик хүнс болон пробиотикийн нэмэлт бэлдмэлүүдийг хэрэглэх хэрэгтэй.

Энзимийн дутагдал
Алое вера нь найрлагадаа энзим агуулдаг.
Бидний идсэн хоол хүнсийг хүний биеийн шимэгдүүлж чадах хэмжээнд задлахад энзимүүд гол үүрэг гүйцэтгэдэг. Бид сүүлийн үед хэтэрхий боловсруулж, цэвэршүүлсэн хоол хүнс иддэг болсонтой холбоотойгоор хоол хүнстэй цуг орж ирж, хоол хүнсний задрал, боловсролтонд туслах энзимүүдийн хэрэглээ багассан. Түүхий навчит ногоонууд, улаан лооль, байцаа, сонгино, сармис гэх мэт хүнсний бүтээгдэхүүнүүд нь найрлагадаа энзимүүд агуулдаг, эдгээр нь хамт идсэн цардуул, уургийнхаа боловсролтыг дэмждэг. Мөн ханборгоцой жимс нь уураг задлагч ферментийн агууламж өндөр бөгөөд өөрөөр нь дарсан байцаанд нь мөн энзимүүд их агуулагддаг. Хоолыг сайн зажлах явцад шүлсний ферментүүд мөн задлах үйлчилгээ үзүүлдэг.

Хэрвээ шинэ ногоо, жимс хоолтойгоо цуг идэх боломжгүй бол энзимийн бэлдмэлийг хоолтойгоо цуг ууж, хоолны шингэцийг сайжруулж болно.

Магнийн дутагдал
Магнийг 325 энзимийн үйл ажиллагаанд шаардлагатай байдаг гэсэн судалгаа байсан бол сүүлийн үеийн судалгаагаар энэ тоо 800-д дөхөж байна. Магни нь ялангуяа хоол боловсруулах үйл ажиллагаанд чухал үүрэг гүйцэтгэдэг.
Магни нь булчингийн үйл ажиллагаа хэвийн явагдахад оролцдог, хоол боловсруулах зам тэр чигээрээ булчин учраас хоол боловсруулах үйл ажиллагаанд чухал үүрэг гүйцэтгэдэг. Магни дутагдсанаар хоол боловсруулах замын гүрвэлзэх хөдөлгөөн удааширч, өтгөн, хаягдлаа гадагшлуулах үйл ажиллагаа удааширна. Навчит ногоонууд болон бусад ургамлууд нь магнийн агууламж өндөр байдаг. Мөн нэмэлт хэлбэрээр магнийг хэрэглэж болно.

Стресс
Стресс нь хоол боловсруулах замын олон асуудлыг үүсгэж байдаг. Олон аминдэм, эрдсийг шавдан хэрэглэж, булчинг чангаруулж, гүрвэлзэх хөдөлгөөнийг удаашруулж, энзим, пробиотик болон бусад бодисуудын шимэгдэлтийг удаашруулна.
Стрессийн үед эмийн алтантовч цэцгийн цай, эмчилгээний мөөг, дасгал, бясалгал зэрэг арга хэмжээнүүдийг авах хэрэгтэй.

Хүнд металлын хордлого
Хоол боловсруулах тогтолцооны үйл ажиллагааг муутгах хоруудын дунд хүнд металлууд гол байр эзэлдэг. Хүнд металлууд нь хүний биед олон хэлбэрээр ордог ба элэг, цөс, нойр булчирхайн үйл ажиллагааг алдагдуулдаг. Хүнд металлуудыг хоргүйжүүлэх үйл ажиллагааг мэргэжлийн хүмүүст даатгах бөгөөд Хлорелла замаг, силантро ургамлуудыг хэрэглэхийг зөвлөдөг.

www.lifestream.mn

Sunday, February 23, 2014

Шинэ халгайгаар хийх хоолны жорууд

Халгай 

Халгай нь аскорбиний хүчил, холин, А, Д аминдэмүүд, төмөр, кальци, эрдсүүд, аминдэмүүд болон эслэгийн өндөр агууламжтай.  Халгайг хоолондоо хийх буюу цай бэлтгэж уухад бөөрний дээд булчирхай болон бөөрний үйл ажиллагааг дэмжиж, уушиг, гэдэсний эд эсийг эдгэрүүлж, үсэнд тэжээл өгч, хөхүүл эхчүүдийн хөхний сүүний гарцыг нэмэгдүүлдэг. Мөн улирлын чанартай харшилын хөдлөлийг багасгаж, сэргийлэх боломжтой.

Халгайн шөл

Маш их тэжээллэг шөл. Эрдэнэ шиш нь байгалийн чихэрлэг амтыг нэмэгдүүлэх бөгөөд төмс нь илүү илчлэгтэй болгоно. Холигчинд хийвэл маш гоё ногоон өнгөтэй шөл болдог.

Жор:
  • 1 жижиг уут халгай
  • 3 хоолны халбага оливийн тос эсвэл цөцгийн тос
  • 2 том сонгино, жижиглэсэн
  • 2 хумс сармис, жижиглэсэн
  • 4 төмс, хальсалж, хэрчсэн
  • 8-10 аяга ус
  • 2 аяга эрдэнэ шиш, шинэ эсвэл хөлдөөсөн (эрдэнэ шиш органик биш бол хэрэглэхгүй)
  • 1 нимбэгний шүүс
  • Давс, хар перец амтлах хэмжээгээр
Халгайг угааж, хайчлана. Том шөлний саванд сонгино, сармисаа оливийн тосонд 3-5 минут хуурна. Ус нэмж, төмс, эрдэнэ шиш, халгайг бүгдийг нь хийж, буцалгана. Төмсийг болтол нь 10 минут орчим чанана. Бүх найрлагыг холигчинд хийж, зутан болгоно. Дараа нь нимбэгний шүүс, давс, перецээр амтална. 4-6 хүний порц.

Халгайн песто

Гоймон, төмс, болсон ногооны амтлагч болгон хэрэглэнэ. Эсвэл печень, шинэ ногоотой цуг зууш болгон идэж болно. Эсвэл пестогоо талхан түрхэн, бяслаг нэмж хачиртай талх бэлдэн идэж болно. 
  • 1 уут шинэ халгай  (ойролцоогоор 6 аяга), угааж, усыг нь сэгсэрсэн
  • 1 багц базилик, үндсийг нь авч, угааж, сэгсэрсэн (2 аяга навч)
  • 1/2 аяга органик Пармесан бяслаг
  • 1/3 аяга хушга эсвэл хушны самар
  • 1/3 аяга эксра виржин оливийн тос
  • 1 цайны халбага нимбэгний шүүс
  • Давс, перец амт оруулах хэмжээгээр
Халгайг усанд 2-3 минут буцалгаж, хатгахгүй болгоно. Усыг нь сойж, хөргөөд жижиглэнэ. Бүх орцоо холигчинд хийж, жигд бүтэцтэй болтол холино. Давс, перецээр амтлана. Пестогоо цэвэр саванд хийж, дээгүүр нь оливийн тос бага зэрэг хийж таглана. 2-3 долоо хоног хөргөгчинд хадгална. 




Халгайн хуурга

  • 1 жижиг уут халгай
  • 2 хоолны халбага оливийн тос
  • 1 жижиг сонгино, хэрчсэн
  • 2 хумс сармис, хэрчсэн
  • 2 хоолны халбага нимбэгний шүүс
  • Давс, перец амт оруулах хэмжээгээр
Халгайг угааж, хэрчээд, хутгаар жижиг хэсгүүдэд хуваана. Дунд зэргийн хэмжээтэй хайруулын тавганд сонгино, сармисыг оливийн тосонд хуурна. Халгай, нимбэгний шүүсийг дээр нь нэмнэ. Хэдэн минут хутгаж, хуруна. Халгайгаа зөөлөн болтол ойролцоогоор 5 минут хуурна. Давс, перецээр амтална. 

Эх үүсвэр: https://www.facebook.com/ANEWEARTHSTORE