Байгалийн анагаах ухааны философи

Байгалийн анагаах ухаан нь байгальд оршдог бодисуудыг ашиглан, хамгийн инвазив шинж чанар багатай аргуудыг ашиглан, бие махбодийн өөрөө өөрийгөө эмчлэх чадварыг дэмжих замаар эмчилдэг альтернатив анагаах ухааны нэг салбар юм. Ерөнхийдөө стрессийг бууруулж, эрүүл хоолны дэглэм, эрүүл амьдралын хэв маягт шилжихэд голлон анхаарч, эм, ионжуулсан цацраг, мэс засал эмчилгээг аль болох бага хэрэглэхийг эрмэлздэг. 

Байгалийн анагаах ухааны философи нь үндсэн 6 зарчимаар тайлбарлагддаг.  

1. Хамгийн эхэнд "Хор бүү хүргэ", ямар ч үед, өвчтөнд хамгийн бага эрсдэлтэй, хамгийн үр дүнтэй эрүүл мэндийн тусламжийг үзүүлэх (primum non nocere).
2. Хүн бүрийн байгалиас заяасан өөрийгөө эдгэрүүлэх хүч чадлыг танин мэдэх, хүндлэх, дэмжих (Vis medicatrix naturae).
3. Зөвхөн шинж тэмдгийг намдааж, алга болгох гэхээсээ илүүтэйгээр өвчний шалтгааныг тодруулж, зайлуулах (Tolle Causum).
4. Эрүүл мэнддээ хариуцлага хүлээх тал дээр дэмжих, итгэл үнэмшилийг бий болгох, боловсрол олгох (Doctor as Teacher).
5. Хүн тус бүрийн эрүүл мэндийн хүчин зүйлс, нөлөөг авч үзэн, эмчлэх (Treat the Whole Person).
6. Хувь хүн, нийгмийн бүлэг, дэлхий дахины сайн сайхныг дэмжих, өвчнөөс урьдчилан сэргийлэхийн тулд эрүүл мэндийн нөхцөл байдлыг онцлон авч үзэх (Health Promotion, The Best Prevention)